remaja zaman sekarang

ado saim ambo sore ni. dio ajok lepok minum air. dio suruh akat puok ajok heret bil nukat air sekali. selesai manggil awok-awok, maka berangkat la gi kedai nok temu mato.

tengoh sedak awok-awok heret bil ni, saim ambo sore ni rembah atah mejo 1 kakah yang ambo tengok macam diary planner. belek2 kakah tu rupo-ruponyo adalah sebuoh ipad. abih mato pakak tuju ko kakah ipad tu. saim ambo hok rembah kakah tu pun dengan serta-merta gebah lubey idung buk bah buk bah. ambo tengok dio nyawo serupo nago doh-doh.

saim ambo ni pun main la kakah tu. saim-saim ambo lain hok darak ni pakak duk nanyo la saim ambo hok rembah kakah tu berkenaan dengan spesifikasi kakah tu. saim ambo hok rembah kakah tu duk ralik main kakah tu sapa ko saim-saim ambo lain hok darak ni duk nanyo dio macam-macam soalan ni nyo wat bodo jah. jawap pun sekat-sekat.

tibo-tibo saim ambo hok dale golongan darak ni pun tibo-tibo jadi gerey sapa ko tubik ayat paling kemah keming sekali dale dunio iaitu:

"kalu mu nok main kakah tu gi balik main dumoh la. kito mari temu mato ni nok bual-heret bil-nukat air-tanyo kaba saim-saim. jange sapa aku bowok desktop pc aku wat mari sini. dey aku bukok pc main game fifa 2011 sini gak, jange arap la aku nok kecek nga ore!"

dengan tibo-tibo abih pakak bera suko. saim ambo hok rembah kakah tu pun sengih-sengih malu serupo kero tutup ipad dan repih duo ipad itu. letok atah lata mozek, jirik 4,5 kali. wassalam.