10 perkara-perkara perlu di buat bila datang area bangi,putrajaya

1. ameerali.
rugi sek2 mu mari alah bangi kalu dok g ameerali.. aku dok tahu bare ni jadi lagi ko dok.. tp gak bare kelas A. baru tokde duduk dio amik orda doh. kade duduk tunggu kusi pun dio amik orda. spesis pekerja dio hite2 ni memei laju. cumo slow bila second order.. terutama air kosong. diyakni takkan sampai adalah 90%. part bayar ade diskaun. itu terbaik. menu terbaik mereka ialah nasik goreng ayam mamak, keema nan, rojak ayam.

2.santap.
ni bare rare. demo beso make beger keda tepi jale? kalu demo tra bege ni. demo tahu la staro mano bare dio. bulih sangat nk lawe bege mekdi. bagi kawe kalu bege2 tepi jale sepanjang kawe duk malaysia ni. bege santap ni terbaik. hanya terdapat di serdang ngan kajang.setahu kawe.

3. 5R4
tingkat 7.bilik nombo... brapo eh? strek to PICC.. comel sial.

4.naik LRT.
ni kalu tok beso duk kl tok tahu..kalu demo g kl dok naik LRT.. baik jange g. raso gayat2 sikit.

5.panggung wayang.
takkesoh la cerito gapo2. janji masuk panggung. mugo duk kelate takdop woye tuh gak.

6.karok.
yeah!! duk kat kajey, metro kajang dulu tumpuan jugok.. kade2 alamanda.. huh.. ni kalu keno lagu liku2 perjalanan sedak jugok..

7.alamanda.
alamanda ialah suatu bangunan yg tenang. kalu g bulih rilek tenang2.. keda pun buke bare up2.. cumo nk beli jah mahal.. tp orait.. ado kfc. bulih make kfc. piza ado. kenny ado.. bersih sini.

8.air limau nipih sharifah.
hoh ni memei ngide nih.. kalu duk area bangi seksyen 8 atau seksyen 7.. restaurant sharipah ni penting nk jumpa air limau nipih rare ni.. dio blende beb... demo hok lalu bulih tra raso.. nasik goreng kampung dio jadi. tra ah.

9.masjid besi putrajaya.
huu.. ni memei petim. bare kalu g smaye jumaat.. g pulok lewat2.. pahtu bilo sapa depe masjid tu dengar org duk baco doa lepas khutbah ready nk bangun smaye, demo takyoh singgoh ah. kawe oyak lalu.. dok dey sapa tmpt smaye habih doh jumaat.jenih mari lambat sapo suruh.beriman tp tak bersungguh.

10.kawan-kawan.
apa guna kawan2 kalau tak mau jumpa.bila sampai area sini.. nk jupo blako raso. huk duduk 5r4,huk duduk kem17, huk duduk sg ramal, huk duduk abu bakar baginda, huk duduk seksyen 14, huk duk seksyen 4,huk duduk dekat as-salam,huk duduk puchong,huk duduk equinepark, huk duduk serdang,huk duduk balakong,huk duduk sri kembangan.huk duduk cheras,huk duduk bandar tasik selate,huk duduk subang,huk duduk damansara,huk duduk shah ale,huk duduk gombok.huk duduk wangsa maju, huk duduk wangsa melawati,huk duduk bukit antara bangsa,huk duduk pandan indah, huk duduk dengkil, huk duduk nilai, huk duduk sepang, huk duduk semenyih. uih... pendek kato duk ado kat kolupo tu. nk jupo blako.. kamu lah rakan2 yg menjadikan PAUH NO.1.